_______|Translation in Motion NJOFTIM• REZIDENCA TË PËRKTHIMIT LETRAR NË TIRANË
përkthyes nga BALLKANI PERENDIMOR_________________________________|
POETEKA dhe Komiteti Drejtues i partneritetit të programit TRANSLATION IN MOTION, si pjesë e rrjetit RECIT ka kënaqësinë të njoftojë se fituese të bursës për Rezidencën e Përkthimit letrar në Tiranë janë ZUZANA FINGER dhe ELEANA ZHAKO.
Programi TRANSLATION IN MOTION synon të pasurojë dhe të rrisë prurjet e letërsisë bashkëkohore të përkthyer në Europë, konkretisht mes vendeve të Ballkanit Perëndimor dhe vendeve anëtare të BE-së.
Në përkrahje të idesë se përkthyesit letrarë janë ambasadorë me ndikim të fortë në nxitje të dialogut kulturor, TRANSLATION IN MOTION siguron përkthyesve mobilitetin dhe zhvillimin e tyre përmes punës së tyre përkthimore dhe veprimtarive përuruese.
Rezidencat e Përkthimit u ofrojnë përkthyesve kohë për punë krijuese dhe mundësi për t'u përqendruar në një projekt të përkthimit letrar, për të qenë në kontakt të drejtpërdrejtë me gjuhën hqipen, si gjuhë burimore të përkthimit për ta, për të jetuar në kontekstin social-kulturor të kësaj gjuhe dhe autorëve të saj, për të kryer hulumtime dhe për të rritur profilin e tyre përmes krijimit të lidhjeve dhe përballjen me skenën letrare vendas edhe audiencën në Shqipëri.
POETEKA dhe Komiteti Drejtues i partneritetit të programit TRANSLATION IN MOTION - RECIT urojnë përkthyeset Zuzana Finger dhe Eleana Zhako qëndrim të këndshëm në Rezidencën e Përkthimit të Tiranë, punë e veprimtari frytdhënëse
