20 October 2015

OPEN MIC NIGHT - KAREN KÖHLER & FRIENDS - "Tetori gjerman"

Në Hemingway Bar Tirana -> 

e Mërkurë, 21.10.2015, ora 19.00

 

KAREN KÖHLER & FRIENDS – OPEN MIC NIGHT

Mbrëmja është konceptuar si një takim ku secili vjen të lexojë përballë miqve tekstin apo rrëfimin e vet, duke iu bashkuar leximit të shkrimtares gjermane Karen Köhler, e cila mbyll muajin e qëndrimit në Rezidencën e Shkrimtarit dhe Përkthyesit letrar "TIRANA IN BETWEEN".

 

Ardhja e saj në rezidencën letrare është pjesë e programeve "Tetori gjerman", realizuar me mbështetjen e Ambasadës së Republikës Federale të Gjermanisë në Tiranë dhe në bashkëpunim me projektin POETEKA.

Mikrofoni do të kalojë dorë më dorë. Gjithkush që dëshiron mund t'i bashkohet mbrëmjes.

 

Fotoja e Karen Köhler nga Roland Tasho Copyright © Roland Tasho & Poeteka Albania

 

OPEN MIC NIGHT - VJEN TË JEMI BASHKË...?

19 October 2015

KAREN KÖHLER - "Tetori gjerman" në Shkodër - Qendra Rinore ARKA

Sot në Shkodër: KAREN KÖHLER


Pas veprimtarisë së suksesshme në Tulla Center, shkrimtarja gjermane  KAREN KÖHLER është sot pasdite në qytetin e Shkodrës.

Veprimtaria zhvilohet në Qendrën Rinore ARKA.

Dr. 19 tetor 2015, ora 19.00

Rr. Gjuhadol, 27

_____________


Në program do të lexohen fragmente nga vëllimi me tregime "Ne kemi kapur raketa me grep" (Botimet 'Dudaj', 2015 përktheu Sokol Mici) si dhe bashkëbisedim me lexuesit.

Karen Köhler është fituese e bursës së qëndrimit në Rezidencën e Shkrimtarit dhe Përkthyesit letrar "TIRANA IN BETWEEN", si pjesë e programeve "Tetori gjerman", realizuar me mbështetjen e Ambasadës së Republikës Federale të Gjermanisë në Tiranë dhe në bashkëpunim me projektin POETEKA.

_____________


KAREN KÖHLER dëshironte shumë të bëhej kozmonaute. Ka mësuar të hidhet me parashutë dhe ka studiuar për aktore në Zvicër. Pas dy vjetësh punë në teatër, ajo tani shkruan prozë dhe pjesë teatrale. I pëlqen matematika dhe hapësira."Wir haben raketen geangelt" / "Ne kemi kapur raketa me grep" është libri i saj debutues. Ai është publikuar në Gjermani nga shtëpia e njohur botuese "Hanser", ndërsa në shqip nga "Dudaj". Libri u mirëprit nga lexuesi dhe u vlerësua lart nga kritika. Më pas, ky libër u bë fitues i disa çmimeve letrare në Gjermani.

Nëntë tregimet e Karen Köhler janë shkruara në formë kartolinash, në formë ditari, si miniatura apo letra të thjeshta, si copëza të ndryshme universi brenda të njëjtës kornizë. Tregimet e saj, megjithëse kryesisht trajtojnë aspekte dramatike të jetës, si vdekja, abuzimi seksual apo vetëvrasja, janë sa tragjik aq edhe të mbushur me humor e ngrohtësi.

Ajo është përkthyer në holandisht, nga Gerrit Bussink dhe botuar nga shtëpia botuese "Podium", nga shtëpia botuese "Actes Sud".


Çmime Letrare:"Schubart" të qytetit të Aalen në 2015

Çmimi Letrar "Rauris", 2015

Çmimi "Otfried Preußler", 2013

Çmimin Letrar të qytetit të Hamburgut,  në 2011

Pjesa teatrale "Pornorama. Ein Männermärchen" ka marrë cmimin e Ministrisë së Artit dhe Kulturës së Austrisë, në 2011.

17 October 2015

MBRËMJE ME LETËRSI DHE MUZIKË NGA GJERMANIA, ZVICRA DHE AUSTRIA

MBRËMJE ME LETËRSI DHE MUZIKË NGA GJERMANIA, ZVICRA DHE AUSTRIA

 

Në kuadrin e programeve "Tetori gjerman", Ambasadat e Gjermanisë, Austrisë dhe Zvicrës organizuan të premten, datë 16 tetor 2015, në "Tulla Center" një "Mbrëmje me letërsi dhe muzikë nga Gjermania".

 

Takimin e çeli Christiane Wolters, Referente për kulturën dhe shtypin pranë Ambasadës së Republikës Federale të Gjermanisë. Në fjalën e saj ajo paraqiti para të pranishëmve profilin artistik të shkrimtares Karen Köhler si dhe Rezidencën Letrare, të cilën Ambasadës e Republikës Federale të Gjermanisë në Tiranë, në bashkëpunim me POETEKA, e realizon dhe e mbështet për herë të parë.

 

Shkrimtarja gjermane Karen Köhler prezantoi botimin porsapublikuar në gjuhën shqipe, "NE KEMI KAPUR RAKETA ME GREP" (përktheu Sokol Mici, Botimet Dudaj, 2015). Më pas autorja Karen Köhler lexoi tekstet e saj në gjuhën gjermane. Në shqip tekstet u lexuan nga Silvana Leka.  Në fund, Karen Köhler bashkëbisedoi dhe iu përgjigj  interesimit të lexuesve mbi procesin e saj krijues, mbi përvojat dhe përshtypjet nga qëndrimi 1 mujor në Rezidencën e Shkrimtarit dhe Përkthyesit letrar "TIRANA IN BETWEEN".

 

Përkthimi i bashkëbisedimit mes autores dhe lexuesve u krye nga Lindita Komani. Në fund të takimit autorja dha autografë për të pranishmit.

 

Pas leximeve programi vijoi me grupin muzikor shqiptaro-zviceran "Guralumi", për të vazhduar më pas me DJ Levi nga Austria. Seventy Funk ose Latin Bogaloo.

 

Në takim mori pjesë edhe ambasadori i Republikës Federale të Gjermanisë në Tiranë, Hellmut Hoffmann.

 

13 October 2015

TETORI GJERMAN - KAREN KÖHLER - LEXIME AUTORI

Në datën 16 tetor 2015, ora 19,  shkrimtarja gjermane Karen Köhler do të lexojë në "Tulla Center" tregime nga libri i saj porsabotuar në gjuhën shqipe, "NE KEMI KAPUR RAKETA ME GREP" (Wir haben Raketen geangelt), Botimet "Dudaj", përktheu Sokol Mici, si dhe do të bashkëbisedojë me pjesëmarrësit mbi procesin krijues, përvojat dhe përshtypjet nga qëndrimi 1 mujor në rezidencën e shkrimtarit "Tirana in Between". Në shqip tekstet e KAREN KÖHLER lexohen nga aktori dhe shkrimtari RIKARD LJARJA.

KAREN KÖHLER dëshironte shumë të bëhej kozmonaute. Ka mësuar të hidhet me parashutë dhe ka studiuar për aktore në Zvicër.

Pas dy vjetësh punë në teatër, ajo tani shkruan prozë dhe pjesë teatrale. I pëlqen matematika dhe hapësira.

 

"Wir haben raketen geangelt"  - "Ne kemi kapur raketa me grep" është libri i saj debutues. Ai është publikuar në Gjermani nga shtëpia e njohur botuese Hanser, ndërsa në shqip nga "Dudaj".

Libri u mirëprit nga lexuesi dhe u vlerësua lart nga kritika. Më pas, ky libër u bë fitues i disa çmimeve letrare në Gjermani.

 

Nëntë tregimet e Karen Köhler janë shkruara në formë kartolinash, në formë ditari, si miniatura apo letra të thjeshta, si copëza të ndryshme universi brenda të njëjtës kornizë.

Tregimet e saj, megjithëse kryesisht trajtojnë aspekte dramatike të jetës, si vdekja, abuzimi seksual apo vetëvrasja, janë sa tragjik aq edhe të mbushur me humor e ngrohtësi.

Ajo është përkthyer në holandisht, nga Gerrit Bussink dhe botuar nga shtëpia botuese Podium, në shqip nga "Dudaj" dhe së shpejti edhe në frëngjisht nga shtëpia botuese Actes Sud.

 

KAREN KÖHLER Jeton në rrugën Pauli, Hamburg, Gjermani. Gjatë muajit tetor Karen Kohler banoj në rrugicën tiranase "Dërhemi", si pjesë e programeve "Tetori gjerman", realizuar me mbështetjen e Ambasadës së Republikës Federale të Gjermanisë në Tiranë, si pjesë e projektit Rezidenca e Shkrimtarit dhe Përkthyesit letrar "TIRANA IN BETWEEN", realiziuar nga POETEKA, në bashkëpunim me rrjetin TRADUKI dhe Ministrinë e Kulturës së Republikës së Shqipërisë.

 

Çmime Letrare:

"Schubart" të qytetit të Aalen në 2015

Çmimi Letrar "Rauris", 2015

Çmimi "Otfried Preußler", 2013

Çmimin Letrar të qytetit të Hamburgut,  në 2011

Pjesa teatrale "Pornorama. Ein Männermärchen" ka marrë çmimin e Ministrisë së Artit dhe Kulturës së Austrisë, në 2011. 


Pas leximeve dhe bashkëbisedimit do të vijohet me grupin muzikor shqiptaro-zviceran "Guralumi", për të vazhduar më pas deri në orët e vona me DJ Levi nga Austria. Seventy Funk ose Latin Bogaloo.


30 September 2015

TIRANA: Residencë letrare me shkrimtaren Karen Köhler


Shkrimtarja gjermane Karen Köhler (© Julia Klug)


Ballina e botimit gjermanisht të shkrimtares Karen Köhler "Ne kemi kapur raketa me grep" - së shpejti në shqip nga botimet "Dudaj", përkthyer nga Sokol Mici. 

Të urojmë përzemërsisht mirëseardhjen në Tiranë, Karen Köhler!

Ambasada Gjermane ka kënaqësinë që në bashkëpunim me Poetekën të organizojë për herë të parë këtë vitnjë Rezidencë Letrare.
E ftuar është shkrimtarja Karen Köhler, e cila vitin e shkuar në Gjermani pati një kritikë mjaft pozitive dhe entuziaste për debutimin e saj me librin me tregime "Ne kemi kapur raketa me grep".

Karen ka mbërritur gjatë fundjavës në Tiranë dhe menjëherë na dërgoi fotot e pështypjeve të saj të para.
Ajo do të jetë këtu deri në fund të tetorit për të organizuar orë letrare me pjesë nga libri i saj dhe për të marrë pjesë në aktivitete të tjera.
Për më shumë informacione: http://bit.ly/1Ljv08y
++Herzlich Willkommen, Karen Köhler!++
Die Deutsche Botschaft freut sich, dass sie dieses Jahr erstmals eine Literaturresidenz – in Kooperation mit Poeteka – organisiert.
Eingeladen ist Karen Köhler, die für ihr Debüt „Wir haben Raketen geangelt" im vergangenen Jahr in Deutschland viel Lob und begeisterte Kritiken bekommen hat.
Am Wochenende ist Karen in Tirana angekommen und hat uns Fotos ihrer ersten Eindrücke geschickt.
Sie wird bis Ende Oktober in Tirana sein, aus ihrem Buch lesen und an anderen Veranstaltungen teilnehmen.
Mehr dazu unter: http://bit.ly/1Ljv08y
Karen Köhler - rezidente në Shtëpinë e Shkrimtarit dhe të Përkthyesit letrar, do të përfshihet në veprimtaritë e programit "Tetori gjerman" 2015.

Programi - Mbrëmje leximi:
16.10.2015, ora 19, Tulla Center, 
Tiranë
19.10.2015, ora 19, Qendra Rinore ARKA,
 Rr. Gjuhadol, 27, Shkodër
(Gjermanisht me përkthim shqip
)

Rezidenca e Shkritarëve dhe e Përkthesve letrarë "TIRANA IN BETWEEN" organizihet prej vitit 2013, si bashkëpunim me rrjetin TRADUKI dhe Ministrinë e Kulturës së Republikës së Shqipërisë. 
Gjatë vitit 2015, Rezidenca mori një zhvillim të ri, duke e zgjeruar veprimtarinë nga Ballkani, Europa Juglindore, drejt pjesëmarrjes në Rezidencë të shkrimtarve nga Zvicra Maurus Federspiel - mbështetur nga Fondacioni Kulturor i Lihtenshtajnit (Liechtenstein Cultural Foundation) dhe Gjermania (Karen Köhler - realizuar me mbështetjen e Ambasadës së Republikës Federale të Gjermanisë në Tiranë). 



29 September 2015

Transparent Translator

Në vigjilje të Ditës Botërore të Përkthyesve, POETEKA, në bashkëpunim me rrjetin TRADUKI dhe Ministrinë e Kulturës së Republikës së Shqipërisë, organizon veprimtarinë TransparentTranslator
Hieronymus Day - Dita Botërore e Përkthyesve - the World Day of Translators:

Friend’s Book House
29.09.2015
Ora:19.00 - …deri pasmesnate...















PROGRAMI:

- Edmond Tupja – nga heroizmi te erotimzmi: kur përkthejmë erotikën: nga poemat e realizmit socialist te sonetet e Alain Basquet

- Aida Baro: - Fjala dhe idioma në përkthimin e filmit komik italian (ilustrime me video): përkthim apo përshtatje - kulturë apo gjuhë (?)

- Pandeli Çina – (ad Honorem) të përkthesh poezitë politike të Wisława
Szymborska-s

- Ben Andoni - fjalori religjoz në trup trup të tekstit artistik (Enes Karić, - Këngët e zogjve të egër; Meša Selimović - Dervishi dhe Vdekja)

- Genci Muçollari – poezia rock dhe lirika e kantautorëve (ilustrime audio dhe projeksione: Dylan, Cohen, Black Sabbath, The Rolling Stones, Led Zeppelin, Pink Floyd, The Police, Jimi Hendrix, The Beatles, Cat Stevens, The Queen…)

- Admira Poçi – Karen Köhler – Lindita Komani – Take this Waltz - mes versioneve përkthimore: dialog mes përkthyeses dhe autores gjermane Karen Köhler -  rezidente në Shtëpinë e Shkrimtarit dhe të Përkthyesit letrar, si pjesë e programit "Tetori gjerman", realizuar me mbështetjen e Ambasadës së Republikës Federale të Gjermanisë në Tiranë, në bashkëpunim me projektin POETEKA dhe rrjetin TRADUKI dhe Ministrinë e Kulturës së Republikës së Shqipërisë.

Moderator i takimit: Arian Leka



01 August 2015

POETEKA: "Tirana in Between" - Dan Coman

Dan Coman
Shkrimtari rumun Dan Coman është fituesi i katërt i bursës për Rezidencën e Shkrimtarëve dhe Përkthyesve letrarë “TIRANA IN BETWEEN - 2015”, organizuar nga POETEKA dhe mbështetur nga TRADUKI, në bashkëpunim me Ministrinë e Kulturës së Republikës së Shqipërisë.
Ai do të qëndrojë në Tiranë gjatë muajit Gusht, ku do të realizojë projektin e tij letrar lidhur me një lloj të veçantë të krijimtarisë: poezi-portretet. Ndërkohë ai do të krijojë lidhje dhe komunikim me shkrimtarët dhe artistët e kryeqytetit, do të përfshihet në procesin e përkthimit me prani të autorit si dhe realizojë intervista e lexime publike në në qendrat ku përurohet kultura e leximit: Friend’s Book House, Epër7shme, Hemingway Book Bar.
Dan Coman (1975, Rumani) ka studiuar dhe është diplomuar në filozofi, pranë universitetit Cluj Napoca, Rumani. Krijimet e tij të para u shfaqën në revistën "Minerva", 1993, për të vijuar më pas me revistat letrare më të rëndësishme në Rumani. Libri i tij i parë me poezi u vlervsua me Çmimin kombëtar „Mihai Eminescu”. Krijimtaria e tij, poezitë kryesisht, janë përkthyer dhe botuar si libra më vete dhe në revista letrare në gjuhët gjermane, suedeze, frënge, në anglisht, sllovenisht, serbisht dhe hungarisht.

Dan Coman është autori i tre libra me poezi:

- anul cîrtiţei galbene (The year of the yellow mole) Timpul Publishing House, Iaşi, 2003;
- Ghinga, Vinea Publishing House, Bucharest, 2005;
- Dicţionarul Mara, ghidul tatălui 0-2 ani (Mara Dictionary - father guide: 0-2 years), Cartier Publishing House, Chişinau, 2009;

Ai është gjithashtu autori i dy romaneve:

- Irezistibil (Irresistible) Cartea Românească Publishing House, 2010;
- Parohia (The Parish), Cartea Românească Publishing House 2012.

Krijimtaria e tij është përfshirë në mjaft antologji dhe është vlerësuar me disa çmime të rëndësishme letrare kombëtare dhe ndërkombëtare, mes të cilëve përmenden:

- Çmimi i Lidhjes së Shkrimtarvve të Rumanisë, 2004
- Çmimi “Mihai Eminescu” (Opera Prima) 2004
- Çmmi kulturor “Radio Romania”, 2010
- Çmimi “Crystal” - Festivali ndërkombëtar i Vilenica-s, Slloveni, 2011

Krijimtaria e këtij autori është paraqitur edhe në disa antologji të botuara jashtë Rumanisë, të tilla si:

- Om jag inte får tala med någon nu: 27 poeter från Rumänien, Bokförlaget Tranan, Suedi, 2011
- „Anthologie de la poésie roumaine contemporaine” (Paris), 2008
- « Iz Novije Rumunske Poezije” – Serbi, 2009
- “Pesniki, Cakajoci na angela” - Ljubljana, Slloveni, 2010
- "Szabadulas a gettobol"- Hungari
- Začetek (11 poezi në sllovenisht), Študentska založba, Ljubljana, 2012, përkthyer nga Ales Mustar.

Në vitin 2010 ai fitoi grantin e Akademie Schloss Solitude, ku anëtar jurie ishte edhe shkrimtari i mirënjohur rumun Mircea Cărtărescu. Në vitin 2012, antologjia Ghinga e botoi këtë autor në Edition Solitude, Stuttgart, përkthyer në gjermanisht nga Georg Aescht.

Tre vjet më parë Dan Coman nisi projektin e poezive - portret kushtuar poeteve të vendeve që autori viziton dhe me të cilët shoqërohet apo i shndërron në objekt të kundriit estetik. Në Tiranë ai do të vijojë këtë projekt. Kjo krijimtari përbëjn një kapitull të veçantë në librin poetik të titulluar “Nume şi ascunzişuri” (Emra dhe vende të fshehur), ku do të vendosen poezi - portretet e disa poetëve bashkëkohorë të Bullgarisë, Sllovenisë, Malit të Zi, Serbisë, Hungarisë, Kroacisë, Moldavisë, Bosnjë-Hercegovinës dhe Shqipërisë.


VIZION PLUS -INTERVIEW
https://www.youtube.com/watch?v=UHxa79Ssl6M

TV KLAN - INTERVIEW
https://www.youtube.com/watch?v=VDO3teBF9Kk





Total Pageviews